Matapos ang paglabas ng tsismis na umano’y nagbubuntis ang aktres na si Julia Barretto at ang ama raw nito ay si Gerald Anderson, naglabas ng isang Instagram story ang aktor na umano’y mas nagpaingay pa sa naturang tsismis.
“Congratulations to me,” ang naging saad pa ni Gerald dito.
Hindi naman maiwasan ng marami na isipin kung tungkol saan ang IG story na ito ni Gerald kaya karamihan ay iniuugnay ito sa pinakabagong isyu na kanyang kinasasangkutan.
Nito lamang umaga ng Lunes, ika-21 ng Setyembre, nagulat ang marami sa ibinahaging Facebook post ng batikang mamamahayag na si Jay Sonza tungkol kay Julia Barretto.
Dito, ayon kay Sonza ay nagdadalang tao umano si Julia sa anak nila ni Gerald. Binati pa dito ni Sonza ang aktres at sinabing aabangan niya umano ang kasalan ng mga ito. Saad pa dito ng dating broadcaster,
“Dito muna tayo sa mga balitang may katotohanan, may pag-iibigan, may pinagsaluhang nakakapanginig ng laman at higit sa lahat, nagbunga.
“Congratulations sa aking kapitbahay sa Congressional Village, Bahay Toro, Quezon City.
“Napatunayan nina Visoy (visayan tisoy) Gerald Anderson at anak nina Dennis Padilla at Marjorie na si Julia Barreto na kapuwa hindi sila baog.
“After months of love lockdown and ESQ (exact sex quadrant) - may nabuo sa sinapupunan ni Julia.”
Bago pa man ang naturang Instagram story ni Gerald, una na ring agad na itinanggi ng aktres na si Julia ang tungkol sa balitang ito sa Instagram din.
Sa larawang ibinahagi nito, makikita ang flat na tiyan at toned na abs ng aktres at ipinahiwatig na umano’y ‘fake news’ ang naturang balita.
Maliban dito, nagbigay na rin ng pahayag ang Star Magic, ang talent management ni Julia, kaugnay ng balitang ito. Katulad ng aktres, idiniin din nito na hindi totoo ang naturang tsismis.
“Definitely it’s not true,” ani pa umano ng Star Magic.
Ang pagputok ng isyu na ito ng pagbubuntis daw ni Julia ay agad umani ng iba’t-ibang mga reaksyon mula sa mga netizen. Marami sa mga ito ang naniniwala sa naturang balita dahil nanggaling umano ito kay Jay Sonza na isang mamamahayag.
Hindi rin maiwasan na maiugnay ng mga ito ang naturang isyu sa sunod-sunod umano na mga nangyayaring rebelasyon sa showbiz na mga hindi inaasahang pagkaka-anak at pagbubuntis.
Kung matatandaan, bago pa man lumitaw ang balitang ito ay ilang beses nang naiulat ang umano’y pagkakaroon ng relasyon nina Gerald at Julia kahit ilang beses na nila itong itinanggi.
Ilang mga larawan na ng dalawa na makikitang magkasama ang kumalat noong nakaraang mga buwan na na mas bumuhay pa sa dati nang spekulasyon na mayroon ngang relasyon ang mga ito.
Noong nakaraang taon, naging malaking isyu ang pagkakasangkot ni Julia sa hiwalayang Gerald at Bea Alonzo. Si Julia ang umano’y itinuturong third party ng naturang hiwalayan at dahilan ng paghihiwalay ng dalawa. Ngunit, itinanggi rin ito noon nina Julia at Gerald at sinabing walang anuman na namamagitan sa kanila.
Sa kabila nito, inulan pa rin ng batikos ang dalawa at sinubaybayan ng marami ang tungkol sa isyu na ito.
Source: Happening Philippines
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment