Donita Nose at Ogie Diaz, May Ibinahaging Pahayag Tungkol sa mga Alegasyon kay Tekla

Sa ikalawang pagkakataon ng muling pagharap ni Michelle Lhor Bana-ag, live-in partner  ng inirereklamo nitong si Super Tekla, sa programa ni Raffy Tulfo, hindi pa rin nagpaunlak sa programa ang komedyante.

Ngunit, ilan sa mga kaibigan nito ang humarap at nagbigay ng pahayag tungkol sa mga alegasyon na ibinabato kay Tekla ng kanyang live-in partner.

Una rito ay ang malapit na kaibigan ni Tekla na si Donita Nose. Ayon kay Donita, tungkol sa paggamit ni Tekla noon ng dr*ga, hindi lamang umano si Tekla ang gumagamit dati nito kundi pati na rin si Michelle.

Dagdag pa nito, ang paggamit daw ni Michelle ng dr*ga kahit nagbubuntis ay siyang dahilan kung bakit nagkaroon ng sakit ang kanilang anak na kakasilang pa lamang. Kung matatandaan, nanghingi dati ng tulong si Tekla upang maipagamot ang kanyang anak.

Pagbabahagi pa ni Donita, sa itinagal daw ng naging relasyon nina Tekla at Michelle na umabot pa ng apat na taon, bakit umano ngayon lamang naglabas ng ganitong reklamo ang huli kung noon pa lamang ay ganito na ang pag-uugali ng komedyante.

Depensa naman ni Michelle, aminado ito na gumamit siya noon ng dr*ga kasabay ng komedyante ngunit, tumigil na sila sa paggamit nito noong nakaraang taon. Mas nauna lamang daw ng kaunti na huminto si Tekla.

Ayon kay Donita, tungkol sa mga paratang umano ni Michelle kay Tekla na pamimilit makipagatal1k, hindi pagbibigay ng pera, at maging ang ginawa nitong kabastusan sa harap ng kanilang anak, sabi raw ni Tekla sa kanya ay hindi ito totoo.

Ito rin ang naging kwento ni Ogie Diaz tungkol sa sinabi sa kanya ni Tekla nang magkita sila nito kamakailan lang. Ayon kay Ogie, tinanong niya umano ang komedyante kung ano ang totoo sa mga ibinibintang sa kanya ng kanyang live-in partner.

Ayon umano kay Tekla, hindi raw totoo ang mga sinasabi ni Michelle tungkol sa kanya. Kwento nito kay Ogie, hindi niya raw ito kayang gawin sa harap pa talaga ng kanyang anak. Mabigat pa nitong pahayag, nag-iimbento lang daw ng kwento si Michelle laban sa kanya.

Dagdag pagbabahagi pa ni Ogie, nagtataka umano si Tekla kung bakit ito inaakusahan ni Michelle ng mga ganoong bagay. Ayon kay Ogie, kay Tekla raw nakasandal ang buong pamilya ni Michelle at ito rin ang nagpapaaral sa mga pamangkin nito.

Pagbabahagi naman nina Ogie at Donita, plano na umano ni Tekla na magsalita tungkol s mga akusasyong ito sa kanya ngunit, inaayos pa nito ang mga bagay sa kanyang TV network bilang respeto na rin umano rito. Ngunit, matapos nito ay siguradong magsasalita raw ang komedyante.

Paglilinaw naman ni Ogie, wala itong kinakampihan sa dalawa at nagsasalita lamang ito base sa sinabi sa kanya ni Tekla. Ani pa nga nito, sana raw ay pag-usapan ng maigi nina Tekla at Michelle ang nangyayaring ito sa kanila.

Nang tanungin naman ni Tulfo at Ogie si Michelle kung ano talaga ang gusto nitong mangyari kay Tekla, ani nito ay gusto niyang pagbayaran ng komedyante ang mga ginawa nito sa kanya at tuluyan itong makulong.

Panoorin ang buong video dito!

Source: Happening Philippines