Muling inungkat ng mga netizen ang mga larawan ng mga ex-girlfriends ni Gerald Anderson na siyang pinagkakaguluhan ngayon sa social media.
Bagamat na naka move-on na umano ang lahat, mukhang hindi pa rin ang ilan sa mga netizen.
Noong isang araw, January 17, 2022 nag post ang isang fan page ng throwback photo ng mga aktres na sina Maja Salvador, Julia Barretto at Bea Alonzo na magkakasama na kuha mismo ni Kim Chiu.
Agad naman itong nag viral matapos inugnay nito na may common sa kanilang tatlo, si Gerald Anderson.
Unang naging couple sina Gerald Anderson at Kim Chiu at pareho silang nanggaling sa reality show na Pinoy Big Brother at naghiwalay din noong 2010.
Matapos maghiwalay nila ni Kim, si Maja naman ang naging girlfriend nito taong 2013 at naghiwalay din sila noong 2015. Kung matatandaan, nagkaroon noon ng isyu sa pagitan nila ni Maja at Kim dahil sa umano'y sila ay matalik na magkakaibigan.
Sumunod dito ang aktres na si Bea Alonzo na alam na ng lahat kung ano ang naging ending ng kanilang love story. Lumalabas na na-ghost umano ng aktor ang aktres. Isa ito sa pinakamainit na kontrobersyal na break up noong 2020.
At ngayon, si Julia Barretto na ang current girlfriend ni Gerald Anderson. Inamin nila sa publiko ang kanilang relasyon noo January 2021.
Kamakailan lang ay naging trending ang relasyon nila ni Gerald Anderson at Julia Barretto matapos ang kontrobersiyal na hiwalayan nila ni Bea Alonzo. Samu’t saring komento ang binigay ng mga netizen tungkol sa relasyong Julia at Gerald.
Sa isang heartfelt interview noon kay Gerald Anderson sa isang ABS-CBN show na “I Feel U,” napag usapan ng host, Toni Gonzaga at ni Gerald Anderson ang tungkol sa relasyon nila ni Julia.
May inamin si Gerald na ayon sa kanya ang relasyon nila ni Julia Barretto ay nagbigay ng kakaibang happiness, inspirasyon at motivation sa kanya. Sabi niya na ang ganitong klaseng malalim na pakikipagrelasyon ay marahil maiuugnay sa kanyang maturity sa edad na 32.
“Ibang joy, ibang inspiration, hindi ko rin ma-explain eh,” [aliwanag ni Gerald kay Toni.
Sinabi niya na ang pakikipagrelasyon niya kay Julia ang siyang nagbigay ng motivation sa kanya at kakaiba talaga ang kanyang naramdaman sa panibagong relasyon niya ngayon.
“Parang nabibigyan ako ng bagong motivation. Hindi ko rin alam kung kasama rin sa edad ko, 32 na ako, so iba na.”
Nabanggit din niya na laking pasasalamat niya sa unconditional love ni Julia at ang suportang ibinigay ng girlfriend niya sa kanya. Sinabi niya na feel niya na lagi niyang pwedeng takbuhan at palagi lang nasa tabi niya si Julia at lalo pa siya tinulungan nitong patatagin sa kabila ng mga problema sa buhay.
Unconditional. Talagang, parang alam ko na sa tropa ko sa sundalo, alam kong andyan siya by my side. Siya yung nagbibigay sa akin ng power para ituloy ang laban sa buhay,” sabi ni Gerald kay Toni.
Kamakailan lang din ikinumpirma ni Gerald at Julia na sila ay officially couple na. Marami rin sa mga netizen ang nagparating ng kanilang mga congratulatory messages nang malaman ng kanilang ang totoong ugnayan ng dalawa.
Ngunit may iba rin naman na hindi matanggap ang relasyon ng dalawa. Panay ang mga bash at harsh comments sa ini-announce na kung ano talaga ang namamagitan sa dalawa. Marami rin ang nagbigay ng kanilang espekulasyon na third party ang dahilan ng hiwalayan ni Bea at Gerald.
Si Gerald Anderson ay isang Filipino-American actor at endorser. Siya ay unang nadiskubre sa isang reality show na “Pinoy Big Brother sa kauna unahang “Teen Edition” kasama ang kanyang on and off screen partner na si Kim Chiu na kalaunan ay naging real life partner at naghiwalay din matapos ang apat na taong relasyon.
Nag viral din ang real life couple matapos ang ina ng aktres na si Marjorie Barretto ay nag upload ng video ni Gerald at Julia. Sa video, makikita na si Marjorie ay binisita ni Julia at Gerald. Masasabing tanggap si Gerald sa pamilya ni Julia base na rin sa kanilang social media posts.
Marami ang naintriga matapos ang bold interview ni Bea Alonzo sa MEGA Entertainment. Sinabi niya doon ang lahat ng mga takeaways niya sa loob ng relasyon nila ni Gerald Anderson.
Hindi pa rin tanggap ng ilan ang lalong lalo na sa mga fans ng Bea-Gerald dahil sa umano’y sinasabing pang go-ghost ng aktor sa dati nitong girlfriend. Marami rin ang nagsabi na may kinalaman si Julia Barretto sa hiwalayang Gerald at Bea.
Ngunit sa kabila ng lahat ng mga pambabatikos, marami pa rin ang nagpakita ng suporta sa relasyong Gerald at Julia.
Source: Happening Philippines
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment