Matapos ang Kanyang Kasal, Imbes na sa Bride ay sa Kabit Nakipag-Honeymoon ang Groom

Hindi na bago para sa panahon ngayon ang umano’y pagiging mas matapang pa ng mga kabit kaysa sa legal na asawa. Ganito mismo ang naging eksena sa isang episode ng programa ni Raffy Tulfo kung saan, mas tumaas pa ang boses ng inirereklmong kabit kaysa sa legal na misis.

Isang linggo pa lamang umano mula nang ikasal sina Mona Pilapil at Benjie Pilapil ay nahuli niya na umano ang kanyang asawa na ka-video call ang ka-workmate nitong babae. Nagpunta pa umano si Benjie sa bahay ng naturang babae upang ‘mag-sleepover’ ngunit, iba pala umano ang ipinunta nito doon.

Kinumpronta umano ni Mona ang babaeng ito na nagngangalang Sarah Ramos ngunit sinabi umano nitong magkatrabaho lamang sila ni Benjie. Ganito rin umano ang isinagot ni Benjie nang ito naman ang tanungin ni Mona.

Ngunit, ayon kay Mona ay mayroon umanong relasyon ang dalawa at mayroon itong ebidensya na nagpapatunay nito. Maging ang kanya nga umanong biyenan ay kinompirma rin na mayroong ibang babae ang kanyang anak.

           Image via Raffy Tulfo In Action

Nang kinausap naman ni Tulfo sina Benjie at Sarah, isinaad ng mga ito na bagama’t hindi sila magkarelasyon ay naging M.U. naman umano ang estado ng kanilang relasyon. Saad pa nga ni Sarah, nagkaayos naman na umano sila ni Mona sa barangay tungkol sa naturang isyu.

Ngunit, ayon kay Mona, kahit nagkaayos na umano sila sa barangay ay muli niya na naman umanong nahuli ang asawa na karelasyon pa rin si Sarah. Gusto na umanong makipaghiwalay sa kanya ni Benjie gayong hindi umano ‘yun ganon kadali dahil legal silang ikinasal.

Sa programa, minsang nagkasagutan ang dalawang babae kung saan, imbes na si Mona ang mangibabaw dahil mayroon itong karapatan, si Sarah pa ang lumalabas na siyang matapang. Saad pa nga umano ni Sarah kay Mona,

“Kawawa ka naman. Nanglilimos ka ng pagmamahal ng asawa mo… Dahil sa ginagawa mo, tingin mo babalikan ka pa ng asawa mo?”

                    Image via Raffy Tulfo In Action

Mensahe na lamang ni Mona kay Sarah,

“Napakawalang kwenta niyang babae. Alam mong may asawa si Benjie. Alam mong kaka-kasal pa lang namin. Una pa lang pinagsabihan na kita, Sarah. Layuan mo si Benjie. Tantanan mo si Benjie. Pero hindi ka tumitigil…

“Ang ginagawa niya, Sir, lahat ng kababoyan ng asawa ko, kinikwento niya sakin… ultimo ‘yung mga babae na nagyayaya daw sa asawa ko na mag-check in sa hotel, kinikwento niya sa’kin…

“Para saan? Anong dahilan? Para awayin ko ‘yung asawa ko tapos ico-comfort mo? ‘Yun ba ‘yun, Sarah?”

    Image via Raffy Tulfo In Action

Bago pa umano maikasal sina Mona at Benjie, anim na taon umano silang nag-live in. Kaya naman, tanong ngayon ni Tulfo kay Benjie ay bakit kung kailan ito ikinasal ay doon pa umano ito nagloko.

Hindi naman nagustuhan ng mga netizen ang ginawang panunumbat umano ni Benjie sa mga tulong na ibinigay niya kay Mona at sa pamilya nito ngayong gusto niya nang hiwalayan ang asawa.

Ayon kay Mona, gusto niya umanong sampahan ng kaso ang kanyang asawang si Benjie at ang kabit nitong si Sarah. Sinang-ayunan naman ng isang abogado ang planong ito ni Mona at pinayuhang posible niya ngang mapakulong si Benjie at ang kalaguyo nito.

Panoorin ang buong video dito!

Source: Happening Philippines