Patok na patok ngayon sa social media ang ‘It Really Hurts’ challenge na sinimulan at pinasikat ng sikat na vlogger na si Mimiyuuuh. Maliban sa mga netizen, ilang mga personalidad na rin ang game na game na kumasa sa naturang challenge.
Kamakailan nga lang, ang aktres na si Liza Soberano ang pinakabaong sumali sa challenge na ito kung saan, aliw na aliw sa kanya ang mga netizen.
Sa naturang challenge, kailangang sumayaw ng mga ito sa awit na ‘Kabet’ habang nagpapalipat-lipat sa iba’t-ibang bahagi ng kanilang bahay.
Sa video ni Liza na ginagawa nito ang challenge, makikita na ginawa ito ng aktres sa kanyang spa na Hope Wellness. Dito, halos malibot na ni Liza ang lahat ng bahagi ng kakabukas pa lamang ulit na Hope Wellness.
Kagaya ng kanyang mga staff sa naturang spa, kompleto rin sa suot na personal protective equipment (PPE) ang aktres pati na rin face shield habang ginagawa ang challenge.
Hindi rin nagpahuli ang facial expressions dito ni Liza na talagang sinikap niya na maitulad sa vlogger na si Mimiyuuuh. Kaya naman, tuwang-tuwa ang mga netizen sa nakaka-aliw na entry na ito ni Liza sa ‘It Really Hurts’ challenge.
Ang video na ito ni Liza habang ginagawa ang naturang challenge ay ibinahagi nito sa Facebook kung saan, agad itong humakot ng libu-libong mga reaksyon mula sa mga netizen. Ani ng mga ito, ang cute pa rin umano ni Liza habang gingawa ang challenge.
Dagdag naman ng ilan, hindi umano nila mapigilang mapangiti habang pinapanood ang aktres at talagang pampa-good vibes umano ang ginawang ito ni Liza.
Heto pa ang ilan sa mga naging komento ng mga netizens tungkol sa viral at nakakatuwang video na ito ni Liza ng ‘It Really Hurts’ challenge:
“Lizaaa! You never fail to amaze me. Why so cute?”
“Kahit mukha siyang timang, ang ganda at ang cute pa rin…”
“Tapos na po ang challenge! We have a winner hahaha”
“Ba’t ang cute pag si Liza ang sumayaw!”
“Hahaha ang cute… Ito na yata ang pinakamagandang version na napanood ko…”
“No ba yan, malungkot ako kanina ngayon di na. Iba ka talaga my Hopie.”
Sa ngayon, ang trending video na ito ni Liza ay humakot na ng mahigit 300 000 views lang naman at shares na halos 4 000 na ang bilang.
Kamakailan lang, naagaw din ni Liza ang atensyon ng marami sa social media matapos nitong maglabas ng kanyang hinaing tungkol sa umano’y mabagal at hindi magandang serbisyo ng kanyang internet service provider.
Sa Twitter, inihayag ni Liza ang reklamo niyang ito na talaga namang naging trending at pinag-usapan ng marami. Mas lalo pang pinag-usapan ng publiko si Liza nang mayroong ibang internet provider na lumapit sa aktres upang magbigay rito ng magandang internet service.
Hindi naman ito ikinatuwa ng isa umano sa mga empleyado ng internet service provider na inireklamo ni Liza kaya buong tapang nitong binastos ang aktres na hindi ikinatuwa ng publiko.
Sa ngayon, nakatakda nang maghain ng reklamo ang aktres laban sa ginawang ito sa kanya ng naturang empleyado na nambastos sa kanya.
Source: Happening Philippines
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment