Pagpanaw ng Bagong Namatay na Vlogger, May Kinalaman Daw sa Prediksyon ni Rudy Baldwin

Nito lamang ika-27 ng Setyembre, 2020, pumanaw sa isang aksidente sa kalsada ang local vlogger at social media personality na si Gelson Bagatua. 

Ngunit, bago mangyari ang naturang aksidente, nahulaan na umano ito ng psychic na si Rudy Baldwin. Kaya naman, hindi mapigilan ng maraming mga netizen na kilabutan dahil nagkatotoo umano ang naging prediksyon ni Baldwin.

Sa kanyang Facebook page na mayroon na ngayong mahigit sa tatlong milyong followers, nagbabahagi si Baldwin ng kanyang mga prediksyon o nakikita niyang mga mangyayari sa susunod na mga araw, buwan, o taon.

Kadalasan sa mga ibinabahagi niyang ito ay mga prediksyon tungkol sa paparating na sakuna, mga aksidente, at kung minsan, pagpanaw ng mga personalidad o kilalang tao.

Nito ngang ika-25 ng Setyembre, sa kanyang ibinahaging prediksyon, isinaad ni Baldwin na mayroon itong nakikitang aksidente sa highway o kalsada. 

Dagdag pa nito, pinag-iingat niya rin ang mga vlogger lalong lalo na ang mga lalaking vlogger lalo na ‘pag malapit na daw ang mga ito sa highway o kalsada.

Heto ang naging buong prediksyon ni Baldwin sa Facebook post nito noong ika-25 ng Setyembre:

“#MANILA O METRO MANILA VISION SA LAHAT NG MGA DRIVER NA DUMADAAN SA MGA HIGHWAY MAGING MAINGAT LAMANG ANG LAHAT DAHIL NAKIKITA KO SA VISION KO ANG PAGSALPUKAN AT PAGKABALIKTAD NG SASAKYAN DAHIL SA LAKAS NG IMPACT NG AKSIDENTE.

“AT NAKIKITA KO SA VISION KO NA ME MASAWI AT ANG AKSIDENTE NATO ME NAKIKITA AKONG KANDIDATO ANG NADAMAY SA AKSIDENTE NATO AT NASAWI DIN.

“LALO NA SA MGA VLOGER NA MGA LALAKI MAGING MAINGAT LAMANG PAG ALAM NYO MALAPIT NA KAYO SA HIGHWAY KAHIT SAANG HIGHWAY PA .MALAPIT MAN O MISMO SA HIGHWAY MAGING MAINGAT PALAGI AT HUWAG MAKALIMOT MAG LAAN NG ORAS SA PANALANGIN.”

Sa pagpanaw nga ng vlogger na si Bagatua ilang araw lamang matapos ibahagi ni Baldwin ang kanyang prediksyon, maraming mga netizen ang nagsasabi na si Bagatua umano ang tinutukoy ng psychic na vlogger na pinag-iingat sa highway.

Sa kasamaang palad, binawian ng buhay si Bagatua dahil sa aksidente na kinasangkutan nito sa kalsada. Eksakto umano ang naging deskripsyon ni Baldwin sa nangyari kay Bagatua.

Kaya naman, saad ng mga netizen, nagkatotoo umano ang naging hula ng psychic. Ani pa nga ng ilan, ang prediksyong ito ni Baldwin ang agad daw nilang naalala nang malaman ang pagpanaw ng naturang vlogger.

Hindi ito ang unang pagkakataon na nagkatotoo umano ang mga hula ni Baldwin sa mga mangyayari. Ilang beses na rin itong naging trending matapos tumugma ang ilan sa mga prediksyon nito sa mga tunay na nangyari tulad ng sakuna.

Ang pinakahuli nga na pinag-usapang prediksyon ni Baldwin na nagkatoo ay ang biglaang pagpanaw ng sikat na vlogger sa bansa na si Lloyd Cadena. 

Ilang buwan bago ang ikinagulat at hindi inaasahang pagpanaw ni Cadena, nagbahagi ng prediksyon si Baldwin tungkol sa pagpanaw umano ng isang vlogger dahil sa cardiac arrest.

Nang magbahagi naman ng opisyal na pahayag ang pamilya ni Cadena, kinumpirma ng mga ito na heart attack ang ikinamatay ng vlogger at nagpositibo din ito sa COVID-19.

Source: Happening Philippines