Lahat na marahil ng mga talento na hahanapin sa isang lalaki ay mayroon ang isang Daniel Padilla. Maliban na lamang umano sa isang bagay na bihirang makitang gawin ni Daniel, ang sumayaw.
Kaya naman, hindi halos magkamayaw ang mga netizen nang sa wakas ay napilit ng aktor na si Gardo Verzosa na mapasama si Daniel sa kanyang Tiktok dance video. Ayon pa sa aktor, ito umano ang pinakanire-request ng lahat sa kanya--- na mapasayaw niya si Daniel sa Tiktok.
Agad naman na nakuha ng Tiktok video na ito ang atensyon ng mga netizen. Sa Instagram kung saan ito ibinahagi ni Gardo, bumuhos ang komento ng mga naaliw at natawang mga netizen kay Daniel. Agad din na naging viral ang video na talaga namang kinaaliwan sa social media.
Sa naturang Tiktok dance, makikita na kasama din nina Gardo at Daniel si Kathryn Bernardo. Sinayaw ng mga ito ang hit song na ‘Savage Love’ ni Jason Derulo.
Noong una, sina Kathryn lamang ang makikitang sumasayaw ngunit, nang patapos na ang video ay lumabas si Daniel at ipinakita ang kanyang nakakaaliw na dance moves. Maliban dito, nakasama din ni Daniel sa isang Tiktok Dance ang iba pang cast ng kanilang bagong digital movie series ni Kathryn.
‘Dancerist’ at ‘Tiktokerist’ na nga umano ngayon ang aktor matapos nito. Pinaka natuwa naman sa ginawang ito ni Daniel ang kanyang mga tagasuporta na hindi makapaniwalang nagawang mag-Tiktok ng kanilang idolo.
Biro pa ng mga ito, salamat umano sa aktor na si Gardo at sa wakas ay napilit umano nito si Daniel na sumayaw at mag-Tiktok. Nagtaka pa ang mga ito kung paano umano nito napilit ang aktor na sumamang mag-Tiktok.
Dagdag request pa ng mga ito, pasayawin umano ulit ng aktor si Daniel dahil tawang-tawa umano sila rito at nais pa nilang makita ang aktor na sumayaw o mag-Tiktok ulit.
Heto pa ang ilan sa mga nakakatuwang komento ng mga netizen tungkol sa viral Tiktok dance ni Daniel:
“Wahahhahaa FINALLYYY!!!!! Lupit ni Sir Gardo! Siya lang nakapag pasayaw kay Daniel pagkatapos ng mahabang panahon.”
“NAG-TIKTOK SI DANIEL I REPEAT NAG-TIKTOK SI DANIEL! PERIODT!”
“Juskoooo nagdidiwang mga Kathniel fans dahil sa ginawa mo cupcake!”
“Sir gardo, solid ka po!!! Been a long time since I last saw Dj dance!”
“Dj’s lolo moves! My kathniel heart is happy!”
Kamakailan lang, naging trending din si Daniel at Kathryn matapos ang mga misteryosong IG posts ng kanilang mga magulang tungkol sa kasal. Inakala ng marami na sa simabahan na ang tuloy ng dalawa ngunit, may kinalaman pala ito sa bagong proyekto na pagsasamahan ng Kathniel.
Ang proyektong ito ay ang ‘The House Arrest of Us’ na pinakabagong digital movie series na handog nila sa kanilang mga fans. Mapapanood na ito simula sa October 24 sa KTX.
Ang Tiktok dance na ito ng Kathniel at ilan pang mga cast na kanilang kasama ay pasilip umano sa ginagawang taping ng mga ito para sa naturang digital movie series. Ilan pa sa mga cast ng ‘The House Arrest of Us’ maliban kina Daniel at Kathryn ay sina Gardo Verzosa, Ruffa Gutierrez, Herbert Bautista, Riva Quenery, Dennis Padilla, Alora Sasam at iba pa.
Source: Happening Philippines
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment