Barbie Imperial, Inaakusahan ng Panggagaya raw kay Ivana Alawi

Isa ang aktres na si Barbie Imperial sa pinakahinahangaan ngayon ng publiko. Maliban kasi sa hindi nito maitatangging ganda, naging bahagi na rin ng iba’t-ibang mga proyekto at naging mukha ng iba’t-ibang mga produkto si Barbie.

Malayo na nga ang narating nga 22 taong gulang na aktres mula nang una itong pumasok sa showbiz matapos nitong sumali sa Pinoy Big Brother. Ang dating binansagang ‘Doll along da riles ng Albay’ ay sikat na sikat na ngayon at hinahangaan ng marami.

Bagama’t isa si Barbie sa mga agad na napalabas sa PBB house, ang tagumpay nito sa kanyang karera ay hindi naman matatawaran. Ilang proyekto na sa telebisyo ang kinabilangan nito at naging bida pa ng isang matagumpay na programa.

Sa kasalukuyan, madalas trending ang batang aktres dahil sa kanyang mga larawan na kanyang ibinabahagi si Instagram. Dito, makikita ang magandang hubog ng katawan ni Barbie na siya namang nagpamangha sa kanyang mga followers.

Ngunit, bago maging ganito ka-confrident ang isang Barbie Imperial, ayon sa aktres, noon daw ay nahihiya pa siyang magpost ng mga ganitong larawan dahil mayroon din siyang mga insecurity. Gayunpaman, nalagpasan na ito ni Barbie at natutunan niya nang mahalin ang sariling katawan.

“Pinopost ko naman yun kasi gusto ko sya talagang i-post. And before kasi sobrang nainsecure ako sa stretchmarks ko. Ma-stretchmarks kasi akong tao,” saad pa nga nito sa isang panayam.

Dahil naman sa ka-sexyhan na ito ni Barbie kaya hindi naiiwasan na ikumpara ito sa isa ring sikat na sexy star na si Ivana Alawi. Kilala ang aktres na si Ivana Alawi sa magandang hubog din ng kanyang pangangatawan na proud nitong ipinapakita sa social media.

Kaya naman, dahil daw sa pagpo-post na rin ngayon si Barbie ng mga bikini photos ay mukhang ginagaya umano nito si Ivana. Hindi rin naman daw kasi maikakaila na pareho ang angking ganda at karisma na mayroon ang dalawa.

“Parang ginagaya niya nga si Ivana,” komento pa nga rito ng isang netizen.

Dahil sa mga paratang na ito kaya mayroong ilan na nagsasabing wala daw ‘originality’ ang aktres dahil sa panggagaya niya kay Ivana. Dahilan din ito upang mag-iwan ng mga negatibong komento ang iba.

Gayunpaman, mas marami pa rin ang hindi naniniwala sa akusasyong ginagaya nga ng atres si Ivana dahil alam nila na paraan lamang din ito ni Barbie na ihayag ang sarili at hindi upang manggaya ng iba.

Hindi na raw nito kailangan pang manggaya ng ibang artista dahil alam nilang kontento si Barbie sa kanyang sarili at hindi nito hangad na manlamang ng kapwa. 

Sa ngayon, abala si Barboie sa iba’t-ibang mga proyekto na kanyang kinabibilangan tulad ng iWantTFC original series na ‘Oh, Mando!’ kung saan, kasama niya sina Alex Diaz at Kokoy de Santos. Bahagi din si Barbie sa bagong teleserye na ‘Bagong Umaga’ kung saan, makakasama niya naman ang mga artistang sina Tony Labrusca, Michelle Vito, Kiko Estrada, Heaven Peralejo, at Yves Flores.

Mayroon ding vlog si Barbie na kasalukuyan ay mayroon nang halos 200k na subscribers.

Source: viralnewsportal

Source: Happening Philippines