Direk Bobet Vidanes, Umalis na sa It’s Showtime; Ang Dahilan, Isiniwalat ni Cristy Fermin

Marami ang nagulat sa balitang umalis at nagresign na umano sa noon time show na ‘It’s Showtime’ ang direktor nito na si Bobet Vidanes. Ayon sa mga ulat, lilipat na raw si Vidanes sa katapat nitong programa na ‘Laugh Out Loud’ sa TV5.

Bagama’t maraming hindi pa naniniwala sa balitang ito, binasag na ni  Cristy Fermin ng haka-haka at kinumpirma na totoo nga ang naturang ulat.

‘Pag-usapan natin and pagre-resign ng isang director sa ABS-CBN at sa kanyang lunch time show. Si Direk Bobet Vidanes nag-resign! Iniwan ang Showtime. Kompirmado na yan!” ani pa ni Fermin.

Ayon kay Fermin, ang dahilan umano nito ay ang malaking pagbabago sa ABS-CBN tulad ng sahod at ilan pang mga ipinagbabawal na ngayon ng network.

“Ang simula ng katuparan ng kanyang mga pangarap ay nag-ugat sa ABS-CBN. Hawak kamay sila, walang iwanan…

“Ang dahilan umano ay kinaltas ang kanyang sweldo at napakarami na raw pinagbabawal ang ABS-CBN ngayon,” pagbabahagi pa ulit nito.

Mayroong ilang mga ulat na nagsasabing baka raw dahil sa offer ng Brightlights Productions kaya nagdesisyong magresign ang direktor. Ang Brightlight Productions ay kasalukuyang nasa isang blocktime deal sa TV5. Nasa ilalim nito ang noontime show na Lough Out Loud na siyang sinasabing lilipatan ni Vidanes.

Maliban kay Vidanes, nagtatrabaho na rin ngayon sa Brightlight Productions ang dating mga Kapamilya stars na sina Korina Sanchez, Maja Salvador, Beauty Gonzales, Ted Failon, Billy Crawford, Dimples Romana, at iba pa.

Ang paglipat na ito ni Vidanes ay ikinalungkot ng mga fans ng It’s Showtime dahil nasubaybayan nito ang relasyon na mayroon si Vidanes sa mga hosts ng programa at sa mga staff nito.

Minsan, isinaad pa ni Vidanes na sama-sama lamang sila sa It’s Showtime. Labing-isang taon na ngayon ang It’s Showtime na siya ring tagal ng pananatili rito ni Vidanes. Kaya naman, tiyak na mamimiss hindi lamang ng mag hosts si Vidanes kundi maging ng mga masugid na manonood ng It’s Showtime.

Ayon sa ulat, hindi pa raw alam ng mga host gaya nina Vice Ganda, Vhong Navarro, at Jhong Hilario kung sino ang ipapalit kay Vidanes bilang direktor ng It’s Showtime.

Para naman kay Cristy Fermin, ang ginawang pagreresign umano ni Vidanes ay para raw isang pagtatraydor sa TV network na naging tahanan nito sa loob ng maraming taon. Sa kanyang show, binalikan ni Fermin kung paano nagsimula si Vidanes sa TV network hanggang sa nag-asawa at nauwi rin sa hiwalayan sila ni Cory Vidanes.

Noong hindi na raw nagkakamabutihan dati ang direktor at ABS-CBN executive na si Cory, si Willie Revillame daw ang tinakbuhan nito ngunit, sa huli ay si Revillame pa raw ang lumabas na masama.

Ayon sa ulat, noong 2009 ay minsan na umanong binalak ni Vidanes na umalis sa It’s Showtime dahil sa pagkakaroon nito ng hidwaan sa isa sa mga host ng programa na si Vice Ganda.

Wala pa rin umanong ibinibigay na reaksyon o pahayag si Vidanes patungkol sa kanyang paglipat at tuluyang pagreresign sa It’s Showtime.

Source: MSN

Source: Happening Philippines