Maliban sa mga sikat at pinaka sinusubaybayang mga vlogger sa bansa gaya nina Alex Gonzaga, Ivana Alawi, JaMill, at Team Payaman, patok din ngayon sa mga netizen ang vlogger na si Silvino Odullo, o mas kilala sa tawag na Lolo Vino.
Hindi kagaya ng ibang mga vlogger, napapasaya ni Lolo Vino ang kanyang mga subscribers at tagapanood sa kabila ng edad nito na 80 taong gulang lang naman. Dahil nga dito kaya si Lolo Vino ang tinaguriang pinakamatandang vlogger sa bansa.
Sa kasalukuyan, mayroon nang mahigit sa 4,000 na subscribers ang YouTube Channel ni Lolo Vino na ‘Lolo Vino and Friends Official’. Dahil naman sa pagdami ng mga tagasuporta nito ay mabilis itong nadaragadagan bawat araw.
Sa mga vlogs ni Lolo Vino, bentang benta sa mga netizen ang kanyang mga kwelang payo at mga biro. Hinangaan din ito dahil sa kanyang pagkanta at mga awitin.
Samantala, madalas na kasama ni Lolo Vino sa kanyang mga vlogs ay ang mga vlogger din na sina Boss Ed, Marcelo, at Tito Val. Maliban naman sa kanyang YouTube channel ay mapapanood din si Lolo Vino sa YouTube channel naman na ‘Team Batac’.
Isa naman sa mga pinaka kinaaliwang vlog nito ay nang iprank ito ng kanyang mga kasama tungkol sa pagpapa-swab test. Dito, kinailangan umanong sumailalim ni Lolo Vino sa isang swab test dahil mayroon silang paparating na handaan o kasiyahan sa kanilang lugar.
Hindi naman maitago sa mukha ni Lolo Vino ang nerbyos tungkol sa pagpapaswab test. Upang tuluyan itong mapaniwala, kumuha pa ang mga kasabwat sa prank ng dalawang tao na nagsuot ng PPE.
Kaya naman, ganoon na lamang ang kaba ni Lolo Vino sa pagdating ng dalawang ito sa paniniwala na sasailalim nga siya sa swab testing.
Samantala, isa pang vlog ni Lolo Vino na kinaaliwan din ng mga netizen ay ang ‘Ivana prank’ naman na ginawa rito ni Boss Ed. Dito, paniwalang paniwala ang vlogger na ipagpapalit daw ni Boss Ed ang kanyang misis para sa kilalang aktres.
Dahil sa mga kakaiba at nakakaaliw ng mga vlogs na ito ni Lolo Vino kaya patok na patok ngayon sa mga netizen ang kanyang YouTube channel. Bilib umano ang mga ito kay Lolo Vino na kaya pang makipagsabayan sa mga sikat na vlogger na bansa sa kabila ng tanda nito.
Ang tagurian bilang pinakamatandang vlogger sa bansa ay sapat na nga umano para suportahan at hangaan nila si Lolo Vino. Doble umano ang kanilang paghanga para rito dahil sa inihahatid nitong kasiyahan sa kanila.
Kaugnay nito, hindi maikakaila na marami na ngayon ang nahuhumaling sa mga vlogger at gusto na ring magvlog. Maliban sa telebisyon, ang panonood ng mga vlog sa YouTube ang naging pampalipas ng marami.
Kaya naman, maging mga artista ay nagv-vlog na rin at madalas ay hindi na lamang sa TV napapanood. Pinakamagandang halimabawa ng mga ito ay sina Alex Gonzaga at Ivana Alawi na dalawa sa may pinakamaraming YouTube subscribers sa bansa. Ilan pa sa mga artistang naging vlogger na rin ay sina Bea Alonzo at Heart Evangelista.
Panoorin ang buong video dito!
Source: Happening Philippines
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment