Nagiging popular na para sa mga vlogger ang paggawa ng video kung saan, ipinapakita nila ang lamang impormasyon ng Google tungkol sa kanila. Dito, sini-search ng mga vlogger ang kanilang pangalan sa Google at tinitingnan kung ano ang mga impormasyong lalabas.
Isa ang sikat na vlogger sa bansa na si Zeinab Harake sa mga pinakahuling gumawa ng videong katulad nito sa kanyang Youtube Channel. Sa naturang vlog nito, natuklasan ni Zeinab ang mga impormasyon na mayroon ang Google tungkol sa kanya na hindi lahat ay tama.
Dito, makikita na ang pinakamadalas na iniuugnay kay Zeinab ng Google ay ang naging relasyon nito dati sa rapper na si Skust Clee. Dahil dito, natawa na lamang si Zeinab sa kanyang mga nababasa na kaugnay ang rapper.
“‘...she was involved with the artist and musician Skusta Clee’! Bakit ganun ‘yung nilalagay mo Google? I have my own name na, ba’t nilagay mo to…
“‘Their relationship was here and there for quite a while yet their last break was the last one’. What d’you mean about that? I don’t even understand it. Do you understand guys?,” natatawa pang biro ni Zeinab habang nagbabasa sa Google.
Hindi lamang ito ang nabasa ni Zeinab dahil ilang artikulo at tanong din sa google tungkol sa kanila ni Skusta Clee ang lumabas dito. Kaya naman, nilinaw ni Zeinab na maayos naman na umano sila ni Skusta Clee at wala na silang isyu pa sa naganap sa kanila.
Ayon kay Zeinab, aminado naman umano siya na naging parte na rin si Skust Clee ng kanyang journey bilang isang social media influencer kaya marahil ay inuugnay pa rin siya ng publiko sa rapper.
“Ito pa rin ‘yung lagi nilang tinatanong. Anong nangyari samin? Ikukwento ko pa ba dito? Iiyak pa ba ako?,” biro pa ni Zeinab.
“Hindi, okay naman na, all goods na ‘yon. No issue na tayo ‘dun. Peace sign na tayo,” dagdag ani pa ng vlogger.
Isa naman sa mga impormasyon tungkol sa kanya na itinama ni Zeinab ay ang kanyang birthday. Sa Google kasi, isinasaad na September 10, 1998 ang araw ng kapanganakan ni Zeinab na isa umanong mali. Ayon kasi sa vlogger ay December 11, 1998 umano ang kanyang totoong birthday.
Ilan naman sa mga impormasyon sa Google na kinumpirma ni Zeinab ay ang pangalan umano ng kanyang kapatid na si Wessam Harake. Maliban dito, isinaad din sa Google na bago pa man ito sumikat ay lumabas na dati si Zeinab sa Wowowin kung saan naging isa ito sa mga contestant.
Sa naturang vlog, ilan pa sa mga sinagot ni Zeinab na tanong mula sa google ay kung ano umano ang kanyang Nationality. Ayon kay Zeinab, isa umano siyang Lebanese; ang kanyang nanay ay isang Filipina habang Lebanese naman ang kanyang tatay.
Ang edad naman ngayon ni Zeinab ay 21, ang kanyang height o tangkad ay 5’7, ang kanyang timbang ay 57 kg., at wala umano itong boyfriend o karelasyon sa kasalukuyan. Naibahagi din ni Zeinab na mayroon siyang anak na legally adopted at siya ang nakapangalan na ina ng bata.
Source: Happening Philippines
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment