Kung mapapansin ay ilang araw nang napapanood sa GMA noontime show na Eat Bulaga ang viral choreographer at dancer na si DJ Loonyo at ikinatuwa naman ito ng kanyang mga tagasuporta.
Ngunit, hindi lahat ay positibo ang naging reaksyon sa napapadalas na guesting na ito ni Loonyo partikular na ang mga AlDub fans kung saan, kamakailan lang ay inihayag ng mga ito ang kanilang pagkadismaya sa programa.
Noon pang ika-19 ng Setyembre nang unang mag-guest sa programa si Loonyo partikular na sa ‘Bawal Judgemental’ segment ng Eat Bulaga. Ngunit, nito lamang Lunes, ika-28 ng Setyembre ay muling lumabas sa programa ang dancer.
Mula rito ay naging sunod-sunod na ang paglabas ni Loonyo sa programa at ayon pa sa pinakabagong ulat, extended pa umano ang guesting na ito ng dancer sa Eat Bulaga hanggang Sabado, ikatlong araw ng Oktubre.
Ngunit, mayroon mang bagong mukha na napapanood, ilang araw namang hindi nakikita sa Eat Bulaga ang isa sa mga regular host nito na si Alden Richards. Ito ang kinakatampo ngayon ng AlDub fans dahil ilang araw na nilang hindi napapanood sa programa ang idolo.
Ani ng mga ito, imbes daw na si Alden ang kanilang napapanood ay si Loonyo ang nasa programa. Hindi maganda ang tanggap ng mga ito sa dancer at tinawag pa nila ito ng iba’t-ibang sarkastikong mga salita.
Ayon sa mga ito, ayaw umano nila ng bagong mukha sa Eat Bulaga at kontento na ang mga ito sa barkadahan ng mga regular nitong hosts na kinabibilangan nina Bossing Vic Sotto, Wally Bayola, Jose Manalo, Paolo Ballesteros, Pia Guanio, Ryan Agoncillo, Maine Mendoza, at ni Alden.
Si Loonyo ngayon ang pinagbabalingan ng mga AlDub fans dahil ito ang kanilang nakikita sa mga segment na dating napapanood si Alden; ang ‘Bawal Judgemental’ at ‘Pamilya Nunal’.
Mayroon din umanong naririnig ang mga ito na nagco-cost cutting ang programa kaya raw mukhang naging paningit na lamang umano rito sina Pia at Ryan. Paratang ng mga ito, kung nagco-cost cutting nga ang Eat Bulaga, bakit pa raw nito idinagdag si Loonyo.
Depensa naman ng programa, hindi umano totoo na mayroong nagaganap na cost cutting dahil talagang limitado lamang umano ang pwedeng host sa studio bilang pag-iingat. Mayroon din umanong ibang mga inaasikaso ngayon si Alden kaya hindi pa ito nakikita sa Eat Bulaga.
Ngunit, dahil sa pagtatampong ito ng AlDub fans, nagbanta pa umano ito sa programa na ititigil ang pagsuporta rito dahil nga hindi napapanood si Alden at si Loonyo ang nasa programa. Gusto ng mga ito na ibalik ng Eat Bulaga ang tambalan nina Alden at Maine.
Sa kabila nito, napahanga naman ni Loonyo si Bossing Vic sa galing nito sa pagsayaw at nakatanggap ito ng papuri mulasa host.
Sa ngayon, nasa Pilipinas si Loonyo matapos nitong umuwi muna galing China kung saan mayroon itong regular na trabaho. Apektado umano ng pandemya ang trabaho nito doon kaya umuwi muna ito sa bansa. Habang nasa Pilpinas, tumatanggap ito ng mga guesting gaya na lamang ng mga guesting niya ngayon sa Eat Bulaga.
Source: Happening Philippines
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment