Vice Ganda at Billy Crawford, 'Unfollowed' na ang ang isa't isa sa Instagram; Friendship Over na nga ba?

Isa sa mga pinag-uusapan ngayon sa social media ay ang nasabing friendship over na nga ba sila ni Vice Ganda at Billy Crawford.

Ito ang mga katanungan ng mga social media users matapos nilang mapansin na in-unfollow na nga nila ni Vice Ganda at Billy Crawford ang isa't isa sa Instagram. 

Maalalang, inanunsyo noon ni Billy sa YouTube channel ni Vice ang tungkol sa kanyang pag transfer sa ibang network, sa TV5.

“Maaaring lumipat siya ng bahay, pero family pa rin tayo. Kaya kahit lumipat ka ng bahay, kahit saang bahay man tayo magpunta, magkakapamilya, family kita, at mahal na mahal kita,” sabi ni Vice kay Billy.

“Kahit na magkatapat man 'yung mga bahay natin, family tayong dalawa, 'di ba? Magkakawayan tayo du'n sa magkakatapat nating bahay. At susuportahan natin ang isa’t isa,” dagdag pa niya.

Maayos naman ang relasyon nilang dalawa hanggang sa lumipat na ang "It's Showtime" director na si Direk Bobet para maging direktor sa "Lunch Out Loud ng TV5, karibal umano ng nasabing show.

Matapos ng pangyayaring iyon, nakatanggap si Direk Bobet ng  mga indirect criticisms mula kay Vice matapos niyang iniwan ang "It's Showtime."

Ayon kay Direk Bobet, hindi naman umano dahil sa pera ang kanyang pag transfer sa ibang network. Ito raw ay "for health purposes."

Nitong Miyerkules lang, sa episode ng "It's Showtime," nag react si Vice sa segment na "Madlang Pipoll" nung tinanong siya. 

"Anong ayaw mo? A. Fake news o B. Fake news?"

Ang celebrity contestant na si Jeff Canoy ay sumagot ng, “Worse, 'yung fake friends na nagbibigay pa ng fake news.”

“Ay yes! ‘Yung fake friends na nagbibigay pa ng fake news sa mga interview,” pagsang-ayon ni Vice kay Jeff.

Kamakailan lang din ay nag react ang co-host na si Jugs Jugueta sa mga komento tungkol sa topic na "fake friends."

“Wala, wala. 'Yan ‘yung mga ina-unfriend,” sabi ni Jugs.

“Tapos nagsasama-sama sila,” dagdag pa ni Vice. 

Matatandaang, diretsahang inilahad ng isa mga sikat na kolumnistang si Cristy Fermin ang mga ginawa ni Direk Bobet Vidanes habang siya pa ang direktor ng sikat na noontime show na Kapamilya ng “It’s Showtime.”

“Itinataya ko po ang pangalan ko rito kasi sa akin po nag-text ang mga dati niyang kasama at ito po ay paninindigan ng mga dati niyang kasamahan.

“Ito, bibigyan kita ng sampol, Rommel, para magising nang kaunti itong may kaangasang direktor na ito.

“Mayroong text sa akin na ganito ang sinasabi, ‘Nay, sinungaling si Bobet. Lagi niyang sinasabi ang bobo ni Vhong Navarro. Si Vice naman, basura talaga ang ugali ng bakla. Naririnig ‘yon ng mga cameramen sa headset. Wag siyang magsinungaling,” kuwento ni Cristy.

Sabi pa ni Cristy, hindi raw pwedeng magsinungaling si Direk Bobet dahil naririnig siya ng mga tao sa production. 

Dagdag pa niya, hindi umano siya naniniwala na hindi pera ang dahilan ng paglipat ng nasabing direktor sa kabilang bakod, iginigiit talaga niya na ito ang posibleng dahilan ng kanyang paglipat.

May dalawa raw kasing co-hosts na tila pinagmalakihan pa umano ng direktor ang kanyang ibinigay na offer sa kanya sa kabilang network. 

“Nandoon pa siya sa Showtime, nakikipag-usap na siya doon sa lulundugan niyang produksyon. Anong tawag mo doon, di ba? Hindi pa man naililibing ‘yung namamatay, nakaburol pa lang, iniiwan na. Parang ganon,” sey pa ni Cristy.

Aniya, dapat raw nag-iingat si Direk Bobet at hindi na lang nagsalita umano tungkol sa isyu na matagal nang nakabaon sa ataul. 

“Walang lihim na hindi nabubunyag. Lalabas rin ang katotohanan,” hirit pa ni Nay Cristy.

Source: philstar

Source: Happening Philippines