Zeus Collins, Kinunan ng Larawan ang Kanyang Pwet sa It’s Showtime Bilang Parusa

Maraming mga netizen ang naloka kaya agad na naging trending ang ginawang parusa na ito sa Hashtag member at host ng It’s Showtime na si Zeus Collins matapos nitong matalo sa ‘Mas Testing’ na segment ng programa.

Nangyari ito nito lamang Lunes, ika-14 ng Setyembre na episode ng It’s Showtime.

Sa naturang segment, nagkamali si Zeus sa pagpili kung sino kina Wacky Kiray at Negi ang may malaking tattoo sa pusod. Bilang parusa, binigyan ito ni Vice Ganda ng isang ‘fun-ishment’.

Dalawa ang ibinigay ng mga host na pagpipilian ni Zeus bilang kanyang parusa; ang isa ay ang live na gupitan ang kanyang buhok ng Mohawk style habang ang isa naman ay ang mag-butt selfie ito ng live sa It’s Showtime.

“Eto ang iyong huling fun-ishment, Zeus, pumunta sa CR, piktyuran ang puwet at i-post sa IG,” ani pa ni Vice sa magiging parusa ni Zeus.

“Totoo ba ‘yan?” ang naging reaksyon naman ni Zeus dito.

Ngunit, dahil ayaw ni Zeus na magupitan ng Mohawk style ang kanyang buhok, agad na lumabas ng studio ang dancer at pumasok sa isang kwarto roon.

Sa studio, napapanood ng mga host ang ginagawa ni Zeus sa naturang kwarto. Habang kinukunan niya ng larawan ang kanyang pwet o butt selfie ay nakikita siya ng mag host na sina Vice, Vhong Navarro, Negi, Kiray, at Karylle na siyang pinakamalapit sa monitor.

“Si Karylle, nasa harapan ng monitor! Na-violate si Karylle, nakaharap siya sa monitor, tumalikod siya talaga,” sigaw pa ni Vice tungkol dito.

“Kitang-kita ni Karylle, kita ulo ng bata. Baliw itong si Zeus, o,” dagdag ani naman ng natatawang si Vhong. 

Agad naman na ibinahagi ni Zeus ang naturang larawan nito sa Instagram bilang bahagi pa rin ng kanyang parusa. Ipinakita niya pa ito sa mga host at sa kamera bilang patunay.

Inabangan ng mga netizen kung totoo nga ba ang ginawang ito ni Zeus na butt selfie sa Instagram. Kaya naman, nang makitang ipinost nga ng dancer ang larawan ay agad itong umani ng libu-libong mga likes.

“Bwahahhhhhha! Zeus lang malakas! Vaklang twoooaaahhhh!!!” komento pa nga ni Vice sa IG post na ito ni Zeus.

Agad din na nagbahagi ng komento ang mga netizen sa larawang ito ni Zeus na pawang natatawa sa ginawang parusa ng dancer.

Ngunit, marami man ang natawa at naaliw sa kakaibang fun-ishment na ito kay Zeus, hindi naman maiwasan na mayroong mga tao na kinwestyon ang ginawang ito ng dancer lalo na ang mga umano’y moralista.

Ani ng mga ito, tama ba umano ang ginawang pagpapakita ni Zeus ng kanyang pwet sa naturang noontime show na napapanood din ng mga bata. Dagdag pa ng iba, hindi naman daw ito kailangan upang panoorin ng mga tao ang kanilang programa.

Gayunpaman, marami sa mga taga-suporta ng It’s Showtime ang ipinagtanggol ang programa sa ginawang ito ni Zeus na umano’y katuwaan lamang at hindi dapat seryosohin at pagdiskitahan ng mga manonood nito na hindi sang-ayon sa ginawa ng dancer.

Wala naman umanong kabastusan sa ginawang ito ni Zeus kaya mas mabuting itigil na lamang umano nito ang kanilang pagiging negatibo.

Panoorin ang buong video dito! 

Source: Happening Philippines