Zeinab Harake, Inireklamo sa Tulfo!

Bagama’t unang nakipag-ugnayan sa programa ni Raffy Tulfo ang vlogger na si Wilbert Tolentino para iprank ang vlogger at kaibigan nitong si Zeinab Harake, sa bandang huli ay bumaliktad ang sitwasyon dahil ito pala ang totoong ipinaprank nina Zeinab at Raffy.

Ang plano ayon kay Wilbert, irereklamo nito si Zeinab sa programa ni Raffy dahil isa umano itong scammer matapos na ma-corrupt umano ang isa nilang video na ginawa. Pinapalabas ni Wilbert na napikon o nagkaroon ng sama ng loob sa kanya si Zeinab dahil natalo umano ito sa ginawa nilang challenge sa naturang video.

Ngunit, habang gumagawa ng background research sina Raffy at ang staff nito kay Zeinab bago ang prank, napag-alaman nito ang pagbubuntis ni Zeinab at ang maselan nitong pagdadalang-tao. Dahil dito kaya nag-alinlangan umano si Raffy baka kung anong masama ang maging epekto ng kanilang prank sa kilalang vlogger lalo na’t matinding pangs-scam ang kanilang ipaparatang dito.

Kaya naman, napagdesisyunan ni Raffy na baiktarin ang sitwasyon at kay Zeinab na lamang makipag-ugnayan o makipagsabwatan. Dito, magpapanggap si Raffy na kasabwat pa rin niya si Wilbert habang magpapanggap din si Zeinab na walang alam sa prank ng kaibigan. Ani pa nga ni Raffy kay Zeinab,

“Kasi po natakot ako, eh. Kasi bago po kami magprank, nireresearch po namin ‘yung tao. Eh nakita po namin na maselan po ‘yung pagbubuntis niyo. Kinabahan ako baka… mamaya makunan kayo ng di oras. So sabi ko, ganito nalang po…

“Ako nalang ang maging kakampi niyo. Siya nalang ipaprank natin kasi malalim sana ‘yung prank. Papalabasin na kayo po ay scammer. Para mapagbigyan na rin po siya, kunyari po magpe-play along ka nalang, alam mo na po na prank ‘to. Babaliktarin natin. Bandang huli, babalikan niyo po siya… Pag napikon na siya, tsaka na natin sabihing ‘It’s a prank’.”

Kaya naman,  paniwalang-paniwala si Wilbert na naloloko nila ni Raffy ang kaibigang si Zeinab lalo na’t mayroong pagkakataon na nagkakainitan na silang dalawa. Hanggang sa bandang huli ay sabihin nga nito na prank lamang ang lahat kay Zeinab.

Dito, pagkakataon naman na ni Zeinab na iprank ang kaibigan. Kaya imbes na matawa dahil prank lamang ang lahat gaya ng sabi ni Wilbert, nagpanggap si Zeinab na galit pa rin dito dahil hindi umano magandang biro ang pagpaprank nito sa kanya lalo na at buntis siya.

Kaya naman, habang animo’y naiiyak ay sinabi ni Zeinab na magsasampa pa rin siya ng reklamong cyber libel sa kaibigan dahil sa ginawa nitong pagsisinungaling sa kanya. Panay naman ang paghingi rito ng tawad ni Wilbert na halatang kinakabahan na sa sinasabi ni Zeinab.

Hanggang sa hindi na rin kinaya ni Zeinab na matawa kaya ibinunyag na rin nito at ni Raffy na pinaprank nga nila si Wilbert. Natawa na lamang ang huli sa kagagawang ito ni Zeinab at Raffy na hindi nito inasahang babaliktarin siya.

“Hindi mo kasabwat si sir Raffy kasi ako ang kasabwat niya dahil dito sa sitwasyon ko. Kasabwat namin siya ng baby,” natatawang paliwanag pa ni Zeinab kay Wilbert.

Nang si sir Raffy naman ang nagpaliwanag na ang pagbubuntis ni Zeinab ang dahilan kaya niya ito ni binaliktad, biniro rin ito ni Wilbert na buntis din naman umano siya sabay pakita ng kanyang tiyan dito.

Panoorin dito ang buo at nakakatawang prank ni Zeinab at Raffy Tulfo kay Wilbert: 

Source: Happening Philippines