Viral ngayon sa social mediA ang pangyayari na ito sa isang resort sa Agusan kung saan, muntik ikamatay ng isang binata ang pagkalunod nito sa pool matapos ang isa lamang sanang katuwaan kasama ang kanyang barkada.
Sa video ng kuha ng insidente, makikita ang limang lalaki sa gilid ng isang pool. Pinapaikot ng tatlo sa mga ito ang isa nilang kaibigan habang kinukuhanan ang mga ito ng video ng isa pa nilang barkada.
Mapapanood dito na mahigit sa sampung beses pinaikot ng naturang tatlong lalaki ang kanilang kabarkada na natumba pa nga dahil sa sobrang hilo. Gayunpaman, pinagpatuloy pa rin ng mga ito ang kanilang pagpapaikot-ikot sa kaibigan.
Hanggang sa basta na lamang nila itong itulak sa pool at pagtawanan. Samantala, nagkukumahig naman ang naturang lalaki sa paglangoy upang hindi malunod. Sa puntong ito, makikita na nahihirapan na itong lumangoy sa pool at animo’y humihingi ng tulong.
Gayunpaman, pinanood lamang ito ng apat na lalaki sa tabi habang tumatawa. Ilang segundo ang lumipas ay pumasok sa pool ang dalawa sa mga ito habang nagtatawanan pa rin. Makikitang umahon pa sandali ang biktima ngunit muli ring pumailalim sa tubig.
Wala pa ring kamalay-kamalay ang mga ito na nalulunod na ang kanilang kaibigan. Ngunit, matapos ang halos isang minuto ay nagkaroon na ng pagtataka ang mga ito kung bakit hindi pa rin umaahon ang kaibigan. Kaya naman, lumangoy ang isa sa mga lalaking nasa loob ng pool upang hanapin ang lalaki.
Pumasok na rin sa pool ang isa pa nilang kaibigan at sandaling sinuyod ang ilalaim ng tubig. Halos isang minuto pa ulit ang lumipas at hindi pa rin umaahon ang kanilang kaibigan kaya kita na ang pagpapanic sa galaw ng apat na lalaki.
Mayroon na ring ibang mga tao na lumapit sa kanila sa gilid ng pool at tumulong na mahanap ang lalaki. Limang lalaki na ang nasa loob ng pool hanggang makita na ng isa sa mga ito ang biktima at agad na umahon kasama ito sa gilid.
Base sa mga kuhang larawan ng insidente, wala itong malay matapos na malunod at makainom ng tubig kaya agad itong nirescue. Makailang ulit na ginawan ng CPR ang lalaki hanggang sa magising ito. Matapos nito ay agad na itong idinala sa ospital at nasa mas maayos na raw ngayong sitawasyon.
Base sa mga ulat, nakilala ang biktima bilang si Ralph Agramon. Sa Facebook ay ibinahagi ng kapatid nitong si Chen ang kuha ng pangyayari at inihayag ang pagkadismaya nang makita ang video. Gayunpaman, nagpapasalamat umano ito at naligtas pa rin ang kanyang kapatid.
Samantala, umani naman ng iba’t-ibang reaksyon ang pangyayaring ito mula sa publiko na karamihan ay negatibo at pagbatikos sa mga kaibigan ni Ralph na iniligay ang buhay nito sa peligro.
Ayon sa mga netizen, hindi umano magandang laro ang ginawa ng mga ito na muntik nang ikamatay ng kanilang kaibigan. Hindi rin nagustuhan ng mga ito na tinawanan lamang nila si Ralph gayong kitang nahihirapan na ito at humihingi ng tulong.
Dagdag pa ng mga ito tungkol sa nangyari, sana araw ay magsilbing aral ito sa iba pang mga kabataan at magbabarkada. Hindi sa lahat ng pagkakataon ay dapat na inuuna ang kasiyahan ng mga ito lalo na’t mayroon itong kaakibat na peligro.
Source: facebook
Source: Happening Philippines
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment