Sa kabila ng pagpanaw ng ilaw ng tahanan na si nanay Sonia at ng anak nitong si Frank ng pamilya Gregorio sa matatandang karumal-dumal na pamamaril ng nakaalitan nitong datingpulis na si Staff Sgt.
Jonel Nuezca sa kanila mismong tahanan bago matapos ang taong 2020, hindi ito naging hadlang sa pagpapatapos ng pinapangarap nilang tahanan. Malaki ang pasasalamat ng publiko at ng naiwang pamilya ng mag-ina kay Raffy Tulfo sa kagustuhan nitong tumulong sa pagpapatapos ng sinasabing tahanan.
Kasama ang kanyang mga anak ipinakita ng haligi ng tahanan ng nangungulilang pamilya Gregorio, si Tatay Florentino ang bagong mukha ng kanilang tahanan at ang bawat silid nito mula nang bawiin sa kanila ang buhay ng kanilang mag-ina.
Wala man si Frank upang tuluyan ang sana ay kanyang bagong kwarto ay inayos pa din ito ngunit sa pagkakataong ito ang kaniyang kapatid na ang tutuloy dito.
Matatandaan sa isang episode ng Raffy Tulfo in Action ay itinugon ni Raffy Tulfo na kinakailangan ng pamilya Gregorio na isailalim sa counseling lalo na sa mga nakakita sa pagyayari at kabilang na sa kanila ang kumuha ng video footage.
Hindi natatapos diyan ang tulong na iniaabot ni Raffy Tulfo dahil bukod dito ibinigay din niya ang negosyo na ipinangako niya sa pamilya Gregorio.
Labis man ang pangungulila ng pamilya, labis din ang pasasalamat nito kay Raffy Tulfo at ng programa nito sa pagtutok sa kaso at sa umaapaw na suporta na ibinigay sa kanila mula noong burol hanggang sa pagpapatuloy at pagtiyak ng kaso laban kay Jonel Nuezca.
Noong nakaraang pasko sana ang pinakaunang pasko na ipagdidiriwang ng pamilya Gregorio sa noon ay patuloy pa na tinatapos na tahanan ngunit sa hindi inaasahang krimen napalitan ang sana ay masayang pagdiriwang kasama ang buong pamilya sa matinding pangungulila, lamay at laban para sa hustisya ng mag-ina na sinawimpalad sa kamay ni Nuezca.
“Kung nabubuhay si Sonia, ito ang dream house niya talaga, Siya ang nagpursige na dito kami tumira”, iyan ang sabi ni tatay Florentino.
Maliban sa pagpapatapos ng tahanan ng Gregorio, pagkakaloob ng negosyo at legal na mga tulong galing kay Raffy Tulfo, ikinamusta din niya ang seguridad ng pamilya. Ayon kay Atty. Freddie Villamor mahigpit naman daw ang seguridad na ibinigay ng kapulisan ng Tarlac para sa pamilya. Maging si Atty. Villamor ay napahanga ni Raffy Tulfo at ng programa nito nang makita niya ang mga pagbabago sa bahay ng mga Gregorio.
“Talagang nagulat ako, idol, sa effort na ibinigay mo sa pamilyang ito,” sabi ng abogado.
Sa isang episode ng Raffy Tulfo in Action inihayag ni tatay Florentino ang labis na pasasalamat nito. Ani niya malaki daw ang iginanda na kanilang tahanan.
Sambit naman ni Tulfo na handa siyang ibigay ang iba pang tulong na kinakailangan ng pamilya.
Simula nang mag-viral ang video na nagpakita sa pagpaslang sa mag-ina noong nakaraang taon hanggang ngayon sa dahan-dahan na pag-angat ng Gregorio sa pinakamababang punto ng kanilang pamilya ay patuloy pa din sa pangungumusta ang programa ni Raffy Tulfo sa kanila.
Wala man ang ilaw ng tahanan, naging ilaw naman ng pamilya Gregorio ang bawat tao na nagpakaloob ng tulong sa kanila.
Source: Happening Philippines
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment