Nais daw ng netizen na ito na maging inspirasyon sa iba ang kanyang Facebook post ngunit, hindi malaman ng mga netizen kung ano ang gustong iparating nito sa kanila. Ang mag-ipon ba talaga o ang uminom?
Kaya naman, bentang-benta sa mga netizen ang Facebook post na ito kung saan, noong una ay makikitang mayroong alkansya na inilaan umano para ipambili ng kotse. Para maging matagumpay ang kanyang pag-iipon, hindi na raw muna ito iinom.
“Hindi na iinom si worm! Bibili ako kotse!!!” ang isinulat pa nga nito sa naturang alkansya.
Sa sumunod na mga larawan, kitang hinawakan nito ang naturang alkansya habang animo’y mayroong malalim na iniisip. Hanggang sa tuluyan na nga nitong binuksan ang ipon at tumambad ang pera sa loob nito. Animo’y tiningnan pa nitong mabuti ang pera at inayos sa lalagyan nito.
Ngunit, ang sumunod na mga larawan ay nagpapakita kung gaano umano karupok ang may-ari ng alkansya dahil, imbes na ipinambili ng sinasabi nitong kotse ay ginastos niya ang pera sa isinaad nitong hindi niya na gagawin.
Ganoon na lamang ang pagkagulat at pagkaaliw ng mga netizen nang tumambad sa sumunod na mga larawan ang ilang mga inumin na binili nito gamit ang pera sa alkansya. Talagang ipinang-inom nito ang perang naipon kasama ang kanyang mga kaibigan.
Kaya naman, ang resulta, wala na ngang kotseng nabili, nalabag pa nito ang kanyang bilin sa sarili na hindi uminom. At ang mas masaklap, wala nang laman ngayon ang kanyang alkansya.
Dahil dito kaya bentang-benta sa mga netizen ang nakakatawang post na umani ng iba’t-ibang mga nakakaaliw na reaksyon mula sa mga ito. Ayon pa nga sa ilang mga netizen na ito, relate daw sila sa naturang post dahil sa huli ay nagagastos rin daw nila ang kanilang ipong pera.
Biro pa nga ng ilan, talagang inspirasyon nga umano sa kanila ang naturang post dahil pare-pareho lamang umano silang marupok pagdating sa paggastos ng kanilang inipong pera. Ani ng mga ito, kaya nga raw alam na nilang sa huli ay ipang-iinom pa rin ng may-ari ng alkansya ang kanyang pera dahil minsan na rin itong nangyari sa kanila habang nag-iipon.
Gayunpaman, mayroon pa ring iba na akala raw nila ay magkakatotoo ang sinasabing kotse nito na bibilhin gamit ang ipon. Uso na rin kasi ngayon sa Facebook ang mga kwento tungkol sa pag-abot ng pangarap na bunga ng pag-iipon at pagsisikap. Kaya naman, ganun na lamang ang kanilang tawa dahil sa napaka makatotohanan umanong resulta ng nasabing post.
Sa ngayon, umabot lang naman na sa 15,000 ang naaaning mga reaksyon ng viral Facebook post na ito kung saan, karamihan sa mga reaksyon ay natatawa. Umabot na rin sa halos 4,000 ang mga komentong iniwan dito ng maraming mga netizen. Samantala, nasa 48,000 na rin ang naaabot na shares ng nasabing post at patuloy pa rin na dumadami.
Heto nga ang ilan pa sa mga nakakatawang reaksyon tungkol sa viral post na ito:
“Taena inexpect ko pa naman sa last picture nakatayo siya sa gilid ng kotse niya g@go!”
“Nainspire ako grabe! Nainspire ako uminom! Now na!”
“HINDI KINAYA NI WORM. WALA NA ANG KOTSE!”
Source: Happening Philippines
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment